Ditën e sotme bëri bujë një ngjarje në Paskuqan.
Erdet Çapoku, 34-vjeç, ka vrarë kunatën e tij.
Pas arrestimit nga policia, së fundmi është zbardhur edhe deklarat e tij para hetuesve.
Ai ka thënë se ka qenë i dehur kur ka shkuar tek banesa e saj e më pas e ka vrarë.
Sipas informacioneve paraprake, edhe gjatë arrestimit Çapoku ka qenë i dehur.
“Jam penduar për vrasjen. Nuk duhet ta kisha bërë. Isha i nxehur dhe doja të nxirrja dufin. Isha i dehur, Me kunatën kam pasur mosmarrëveshje gjithmonë. Ajo nuk më respektonte dhe nuk më dëgjonte. Pasi u përlesha me të, e pashë që po i dilte shumë gjak nga koka dhe ika. U fsheha tek shtëpia e kushëritit në Laprakë derisa erdhi policia (Shtëpia ishte bosh pasi kusheriri jetonte jashte vendit)”, ka qenë kjo një pjesë e dëshmisë së tij para prokurorëve.
Enkeleda Çapoku është viktima që u vra nga Erdet Çapoku.
Ai ka hyrë me dhunë në shtëpinë ku banonte Enkeleda me një shkop dhe një thikë me vete.
Nëna është futur në mes por nuk ja ka dalë dot të parandalojë ngjarjen e rëndë.
Enkeleda ishte pajisur me urdhër mbrojtje pasi kishte pasur konflikte me kunatin edhe herë të tjera.
Nga ana tjetër i shoqi i Enkeledës, Eltonin, ndodhej në burg.
Ai i kishte lënë porosi të vëllait (autorit) t’i ruante gruan dhe ky besohet të ketë qenë shkaku i konflikteve.
Mësohet se Çapoku ka pranuar kryerjen e krimit, pasi dyshonte se kunata i tradhtonte vëllain.
