Në Gjykatën e Tiranës po zhvillohet sërish seanca paraprake me dyer të mbyllura ndaj Mario Përlleshajt, i akuzuar për vrasjen e Martin Canit.
Në seancë janë të pranishëm familjarët e viktimës dhe shoku i tij, Luis Meçaj, i cili mbeti i plagosur në ngjarjen tragjike që tronditi vendin në nëntor të vitit të kaluar.
Muajin e kaluar, avokati mbrojtës i Përlleshajt dorëzoi një kërkesë në Gjykatën e Apelit për ndryshimin e masës së sigurisë, por ajo u rrëzua. Edhe në dhjetor, Apeli la në fuqi masën “arrest në burg” ndaj 14-vjeçarit, i cili vijon të qëndrojë në institucionin e Kavajës.
Ngjarja ndodhi më 18 nëntor, pranë shkollës “Fan Noli” në Tiranë, ku Martin Cani u vra, ndërsa Luis Meçaj mbeti i plagosur.
