Vonesat në fluturime është problemi më i shpeshtë që hasin të gjithë pasagjerët, mirëpo ky vit ka mbajtur rekord në dekadën e fundit për vonesa. Autoriteti I Aviacionit Civil ka thënë se kompania që ka pasur më shumë problem ka qenë “Fly Ernest”, ndërsa mësohet se gjithashtu janë kompesuar 1900 qytetarë për këto vonesa.
Mësohet se shkaqet kryesore deri më tani janë regjistruar për mungesën e kapaciteteve, operimit dhe problemeve teknike apo grevat e shumta në veçanti të disa kompanive ajrore.
Ashtu siç edhe e përmendëm më lartë “Fly Ernest” është vlerësuar si kompania më problematike për 2018, me numër rekord vonesash dhe anulimesh përkatësisht: 72 vonesa, në shumë raste mbi 6 orë dhe 14 anulime.
Nisur nga këto vonesa, 2 mijë qytetarë kanë plotësuar formularë me anë të cilëve kërkojnë kompesim.
Autoritetit të Aviacionit Civil i bën thirrje të gjithë pasagjerëve që kanë plotësuar formularët e ankimimit dhe u ka kaluar afati prej 6 javësh, që të rikontaktojnë përsëri kompanitë ajrore që kanë patur fluturimin për tu njohur me statusin e fluturimit të tyre.
Në rast se kompania nuk i kthen asnjë përgjigje, atëherë të kontaktojnë me sektorin e të Drejtave të Pasagjerit të Autoritetit të Aviacionit Civil.