Kishte vjedhur me dhunë në Itali, por Ilmi Demiraj ndalohet në kryeqytet.
Blutë e Tiranës e arrrestuan pasi ishte në kërkim ndërkombëtar të dënuar nga drejtësia italiane e cila e kishte dënuar me 8 vite burg.
Kapja e Demirajt u realizua nga Specialistët e Seksionit të Kërkimit në DVP Tiranë, në bashkëpunim me Specialistët e Interpol Tirana, në rrugën “Teodor Keko”.
Lindur në Krujë dhe banues Tiranë, ai ishte shpallur në kërkim ndërkombëtar, pasi Gjykata në Lucca të Italisë e kishte dënuar me 8 vjet burg për veprën penale “Vjedhje me dhunë”.
Interpol Tirana dhe Interpol Roma po vijojnë punën për plotësimin e proçeduarave me qëllim ekstradimin e tij drejt Italisë.
