Një aksident i rëndë ka ndodhur pak minuta më parë në aksin Korçë-Devoll, në kryqëzimin e fshatit Tren. Nga informacionet e para bëhet me dije së është përplasur një ambulancë me një mjet tip “Benz”.
Për shkak të përplasjes së fortë, autoambulanca ka përfunduar në një parcelë disa metra larg rrugës duke patur edhe pacientë brenda. Ky i fundit është dërguar me një tjetër autoambulancë në spital.
Burime nga vendi i ngjarjes bëjnë të ditur se në ambulancë ka qenë një i sëmurë që po transportohej në spital. Sipas raportimeve nuk ka të lënduar por vetëm dëme materiale.
I sëmuri është siguruar të dërgohet me një ambulancë tjetër në spital dhe për këtë shkak në vendngjarje përveç policisë është edhe një ambulancë që do të transportojë të sëmurin.
Ndërkohë mes drejtuesve të dy automjeteve që janë përfshirë një sherr i cili është përshkallëzuar deri në përdorimin e grushteve. Siç duket nga pamjet e ata janë konfliktuar me grushte menjëherë pas ngjarjes duke bërë që të tjerët të ndërhynin për t’i ndarë.
Policia ndërkohë po punon për zbardhjen e rrethanave të këtij aksidenti.
Kujtojmë se po sot një ngjarje tjetër e rëndë ka ndodhur në Fier. Ku djali ka qëlluar për vdekje me mjete të forta babain.
