Dy makina tip “Mercedes” janë përplasur në hyrje të Lungomares në Vlorë.
Automjetet kanë qenë duke ecur në korsinë e tyre, ndërkohë që një nga makinat është kthyer për të hyrë në rrugë dytësore duke i prerë rrugën makinës tjetër që po vinte me shpejtësi nga Uji i Ftohtë për në Skelë.
Për të shmangur përplasjen “Benzi” është përplasur me një palmë anës rrugës, duke bërë që drejtuesi të marrë plagë të rënda në kokë. I lënduari është transportuar me autoambulancë në spitalin rajonal të Vlorë, ndërkohë që policia ka mbërritur në vendin e ngjarjes.
