Vetting-u përçahet para Kryetarit të Gjykatës Administrative të Apelit: Ndërkombëtarët kërkojnë rihetimin

Google+ Pinterest LinkedIn Tumblr +

Komisioni i Pavarur i Kualifikimit duket se është përçarë në procesin e vlerësimit të Kryetarit të Gjykatës Administrative të Apelit, Kastriot Selita.

Në qershor ët 2019-ës, Komisoni i Pavarur i Kualifikimit vendosi me shumicë votash rikonfirmimin në detyrë të Selitës, me votat pro të anëtarit Lulëzim Hamitaj dhe relatores Brunilda Bekteshi.

Sipas tyre, Kastriot Selita justifikon pasuritë, ka arritur një nivel të besueshëm në kontrollin e figurës dhe se është i aftë profesionalisht.

Sakaq kreu i gjykatës ka marrë dhe një votë kundër nga kreu i Komisionit, Olsi Komici, i cili ka argumentuar se Kastriot Selita ka mungesë burimesh financiare të ligjshme dhe ka cenuar besimin e publikut tek drejtësia, pasi ka gjykuar çështje në kushtet e konfliktit të interesit.

Së fundmi, pjesë e procesit është bërë dhe Operacioni i Ndërkombëtar i Monitorimit, i përbërë nga përfaqësues të Komisionit Evropian dhe përfaqësues të qeverisë së Shteteve të Bashkuara të Amerikës, vëzhguesit e së cilit i kanë kërkuar Komisionerit Publik të ankimojë në Kolegjin e Posaçëm të Apelimit vendimin e KPK, pas dyshimeve për figurën e kryegjyqtarit.

Pas kësaj kërkese, më 8 gusht Komisioneri Publik i kërkoi Kolegjit të Apelimit të marrë në shqyrtim çështjen e Kastriot Selitës me pretendimin se përfundimet e KPK-së janë të pasakta.

Tashmë pritet që Kolegji i Apelimit të vendosë për fatin e kryegjyqtarit të Gjykatës Administrative të Apelit, për të cilin ka pasur dhe denoncime nga vetë kolegët e tij që e kanë akuzuar për lidhje me persona të papërshtatshëm.

Burimi: Shqiptarja.com

Shpërndaje
Share.

Komento