Pas Italisë, rastet me mutacionin e ri të Covid-19 po i afrohen gjithnjë e më shumë në vendin tonë.
Alarmi ka ardhë pasi këto raste me këtë mutacion janë shënuar në shtetin fqinj, Greqi.
Lajmin e ka konfirmuar edhe sekretari i Përgjithshëm i Kujdesit Shëndetësor, Mario Themistocleous, i cili ka pranuar se rasti kishte simptoma të lehta dhe për këtë pacienti u shërua plotësisht.
“Që nga ora 16:00 e sotme, 471 njerëz u vaksinuan në 5 spitalet në Athinë. Një incident është raportuar. Bëhet fjalë për një reaksion alergjik jo serioz që u trajtua me sukses,“-tha Themistocleous.
Vaksinini me dozat e Pfizer ka nisur që prej ditës së djeshmë në Greqi, ku ndër të injektuarit e parë ishte edhe kryeministri grek Kyriakos Mitsotakis.
Ndërkohë mediat italiane kanë raportuar edhe për një variant tjetër të ri të koronavirusit Sars-CoV-2, i cili ka qarkualluar në Itali që nga fillimi i gushtit.
“Një variant i koronavirusit Sars-CoV-2 ka qarkulluar në Itali që nga fillimi i gushtit, shumë i ngjashëm me variantin anglez “. Lajmi është bërë i ditur nga Shoqata italiane e Virologjisë.
Mendohet se varianti italian mund të jetë pararendës i atij britanik që u shfaq më vonë.
“Një ‘variant italian’ i zbuluar në Brescia, “i cili i paraprin mutacionit që u shfaq në fund të shtatorit në Mbretërinë e Bashkuar dhe më pas u përhap në Evropë, përfshirë Italinë, mund të jetë pararendës”, njoftoi Arnaldo Caruso, president i Shoqatës Italiane të Virologjisë./Gazetareforma.com/
