Ashtu siç kishte premtuar një ditë më parë, në emër të qeverisë kryeministri Edi Rama ka vendosur të ndihmojë monetarisht familjen e 10-vjeçarit të mitur që humbi jetën në Kakavijë teksa priste të kalonte kufirin grek.
Me anë të një postimi në Twitter kreu i vendit ka shprehur shumën monetare prej 500.000 lekësh të reja që do i ofrojë familjes, si një ngushëllim për jetën e humbur të fëmijës së tyre.
“Sot vendosëm që si qeveri të asistojmë familjen e të miturit që humbi tragjikisht jetën pasi i preu rrugën autoambulancës në Kakavi, me një shumë prej 500.000 lekësh të reja, duke i rishprehur dhe njëherë familjes ngushëllimet tona më të ndjera
Engjëlli i vogël u dhëntë forcë”, shkruan Rama.
Sot vendosëm që si qeveri të asistojmë familjen e të miturit që humbi tragjikisht jetën pasi i preu rrugën autoambulancës në Kakavi, me një shumë prej 500.000 lekësh të reja, duke i rishprehur dhe njëherë familjes ngushëllimet tona më të ndjera😢Engjëlli i vogël u dhëntë forcë🙏
— Edi Rama (@ediramaal) August 17, 2020
Kujtojmë se 10 vjeçari humbi jetën tragjikisht dy ditë më parë. Ngjarja ndodhi rreth orës 10:30, në aksin nacional Kakavije – Gjirokastër, në afërsi të kthesës së Bularatit, ku një autoambulancë me drejtues shtetasin A. G, thuhej se po transportonte një shtetase të sëmurë për në spitalin rajonal Gjirokastër.
Por dëshmitarë thonë se ambulanca ishte bosh dhe me mbi 100 km në orë në një zonë ku ishte e mbipopulluar nga njerëz që prisnin të kalonin doganën.
