Varianti i ri i Covid-19 i zbuluar fillimit në Afrikën e Jugut, ka alarmuar pothuajse të gjithë botën.
Ndërkohë studimet paraprake të realizuara në Afrikën e Jugut për variantin e ri Omicron të koronavirusit, kanë evidentuar se mutacioni i ri ka një shkallë pothuajse tre herë më të lartë të ri-infektimit.
Sipas shkencëtarë përhapja e shpejtë e Omicon është edhe për shkak se prek kryesisht njerëzit që e kanë marrë koronavirusin më herët.
Nga rezultatet paraprake rreziku i ri-infeksionit të Omicron u vlerësua të jetë të paktën 2.4 herë më i lartë. Epidemiologët e Afrikës së Jugut në Institutin Kombëtar të Sëmundjeve të Transmetueshme, raportojnë se ndryshe nga varianti Beta dhe Delta, Omicron tregon potencial të rëndësishëm për shmangien e imunitetit natyror pas një infeksioni të mëparshëm.
Ndërsa ashtu sikurse paraqitet vaksinat ekzistuese duket se vazhdojnë të ofrojnë mbrojtje kundër sëmundjes së rëndë të COVID-19.
Theksojmë se varianti i ri i Covid-19 “Omicron” po përhapet me shpëjtësi në shumë vende të botës, ku harta e prekur nga mutacioni po zgjerohet çdo ditë dhe më shumë.
Ndërkaq edhe Shqipëria tashmë e ka shumë më afër “Omicron” pasi rasti i parë i infektuar më këtë variant të ri të Covid-19 u raportua ditën e djeshme në vendin tonë fqinj, në Greqi.
