Nagasaki përkujton sot 75-vjetorin e shpërthimit të madh, kur SHBA bombardoi këtë qytet japonez.
Kryetari i Bashkisë së qytetit iu ka bërë thirrje liderëve botërorë që në këtë përvjetor, të mund të ndalohen sa më shumë armët bërthamore në treg.
Në orën 11:02 – në kohën e saktë kur bomba atomike u hodh mbi këtë qytet – të mbijetuarit dhe pjesëmarrësit e tjerë mbajtën një minutë heshtje për të nderuar mbi 7 000 viktimat.
Bombardimi i 9 gushtit të vitit 1945, erdhi tri ditë pasi Shtetet e Bashkuara hodhën bombën e parë atomike në Hiroshima, sulmin e parë në botë me një armë bërthamore.
Japonia u dorëzua më datë 15 gusht 1945, duke i dhënë fund Luftës së Dytë Botërore. Kreu i bashkisë aktuale në qytet Tomihisa Taue, lexoi një deklarate paqeje, duke thënë se bot aka nevojë për qetësi dhe të jetë larg armëve, sidomos atyre të shkatërrimit në masë.
Taue përmendi Shtetet e Bashkuara dhe Rusinë, duke thënë se po rrisin rrezikun e kërcënimit bërthamor, duke hequr dorë nga Traktati për armët bërthamore.
“Si rezultat i kësaj, kërcënimi se armët bërthamore mund të përdoren po bëhet edhe më shumë real”, tha ai. Ai po ashtu i bëri thirrje Qeverisë japoneze dhe ligjvënësve që të nënshkruajnë Traktatin e vitit 2017 për ndalimin e armëve bërthamore.
Në këtë përvjetor të kujtimit të tragjedisë së madhe, pak njerëz kishte në shesh për ta kujtuar atë, vetëm 500. Në vitin paraardhës ishin më shumë se 5900 persona që kujtonin Nagasakin. Këtë vit ishin pak persona, për shkak të pandemisë së koronavirusit.
