U tërhoq nga gara për SPAK-un, merret vendimi për Shkëlzen Cenën

Google+ Pinterest LinkedIn Tumblr +

KPK në seancën e sotme ka marrë vendimin për të shkarkuar nga detyra prokurorin Shkëlzen Cena. Kujtojmë këtu se dy ditë më parë ai deklaroi tërheqjen nga gara për të qenë anëtar i SPAK-ut.

Cena është prokuror pranë Prokurorisë së Rrethit Gjyqësor Dibër, por aktualisht ai është i komanduar në Prokurorinë e Tiranës. Këshilli miratoi më 10 vota kërkesën e tij, e ndërsa sot KPK mori edhe vendimin për shkarkimin e tij.

Prokurori Shkëlzen Cena ishte kandidat për të qenë anëtar i Strukturës së Posaçme kundër korrupsionit dhe Krimit të Organizuar në strukturën e të cilit do të jenë 15 prokurorë.

KPK ka konstatuar probleme në lidhje me Cenën, kjo në lidhje me një kredi të marrë për një shtëpi, një kontartë noteriale ku kishte qëndrime kontradiktore.

Gjithashtu probleme janë identifikuar edhe për një makinë, për të cilën ishin nënshkruar dy kontrata dhe mungesë burimesh financiare për disa vite.

Shpërndaje
Share.

Komento