Një ngjarje e rëndë ka tronditur opinionin publik shqiptar.
Abaz Doka, 65 vjeç përdhunoi një 15-vjeçare dhe videon e aktit intim e kishte shpërndarë me tre të rinj, të cilët e shantazhonin vazhdimisht atë të kryente marrëdhënie seksuale edhe me ta.
Për një kohë të gjatë, ai shkruante në mure emrin e saj me epitete ofenduese derisa e reja u dorëzua dhe kreu marrëdhënie seksuale me të.
Lidhur me këtë ngjarje ka folur edhe babi i vajzës së abuzuar.
Për “News24” ai shprehet se për ngjarjen është njohur vetëm 6 muaj më parë, kur kishin filluar të qarkullonin videot.
Ai shton se ngacmimi ka filluar që kur vajza ishte në klasën e 6.
I ati i viktimës së abuzimit tregon gjithashtu se e shihte kur Abazi i jepte karamele vajzës.
“Me historinë e abuzimit me fëmijën tim jam njohur 6 muaj më parë nga fqinjët pasi nisën të qarkullojnë videot.
Ndërsa vajzën time ai e ka ngacmuar që kur ka qenë në klasën e 6-të.
I hidhte fjalë. Kam shkuar kam folur me bashkëshorten e Abazit dhe me djalin.
U kam thënë më ngacmon vajzën po ata thoshin është e vogël.
E shihja dhe vetë që i jepte karamele dhe fërshëllente poshtë shtëpisë”,- tha ai.
Babai shtoi ndër të tjera se:
“Vajza nuk e pranonte që kishte kryer marrëdhënie sepse kishte frikë.
Me pas iu rrëfye të ëmës.
Ndërsa Abazi për të më ulur mua dhe për tu dukur si gangester ia shpërndau videon gjithë Babrroit.
Dua që shteti të veprojë dhe drejtësia ta ndëshkojë”.
Ai e shantazhonte vajzën duke i thënë se ia dinte historitë intime që ajo ka pasur në shkollë dhe në një rast ka shkruar pranë banesës së saj emrin bashkë me disa epitete ofenduese.
Pas këtij episodi, vajza është dorëzuar dhe ka kryer marrëdhënie seksuale me 65-vjecarin në një banesë që ai e kishte nën kujdes.
Akti është filmuar në celularin e tij dhe më vonë ai ia ka dërguar nëpërmjet një rrjeti social këtë video fqinjit të tij 20 vjec.
Aparatet celulare të 65 vjecarit dhe 20 vjecarit janë sekuestruar nga policia në cilësinë e provës materiale.
Vajza është në gjendje të rëndë psikologjike dhe nën asistencë të qendrës ARSIS ka dhënë dëshminë e saj për gjithë ngjarjen.
