Tre të vdekur brenda 24 orëve, ndërron jetë nga koronavirusi një 69-vjeçar nga Shkodra në Infektiv

Google+ Pinterest LinkedIn Tumblr +

Një pacient 69-vjeçar nga Shkodra ka ndërruar jetë në spitalin infektiv në QSUT, i konfirmuar me COVID-19, i shtruar prej 10 ditësh në gjendje të rëndë. Lajmi konfirmohet nga Ministria e Shëndetësisë e cila bën të ditur se gjendja e tij është përkeqësuar si pasojë e vështirësisë në frymëmarrje dhe pavarësisht terapisë intensive medikamentoze dhe kujdesit të stafit mjekësor, 69-vjeçari, i cili vuante nga hipertensioni, nuk ka mundur të mbijetojë.

Që nga fillimi i epidemisë, 59 qytetarë e kanë humbur betejën me COVID19, ndërsa vijon të ketë raste të rënda që po trajtohen në shërbimin infektiv.

Situata nga koronavirusi është rënduar, pasi kjo është dita e dytë që brenda ditës shënohen tre viktima. Bilanc i njëjtë u shënua edhe ditën e djeshme.

COVID19/ Ministria e Shëndetësisë:

Ndërron jetë pacienti 69 vjeçar në spitalin infektiv

MSHMS apel qytetarëve të mbajnë maskë dhe të respektojnë distancën nga njëri-tjetri

Një pacient 69-vjeçar nga Shkodra ka ndërruar jetë në spitalin infektiv në QSUT, i konfirmuar me COVID19, i shtruar prej 10 ditësh në gjendje të rëndë.

Gjendja e tij është përkeqësuar si pasojë e vështirësisë në frymëmarrje dhe pavarësisht terapisë intensive medikamentoze dhe kujdesit të stafit mjekësor, 69-vjeçari, i cili vuante nga hipertensioni, nuk ka mundur të mbijetojë. Që nga fillimi i epidemisë, 59 qytetarë e kanë humbur betejën me COVID19, ndërsa vijon të ketë raste të rënda që po trajtohen në shërbimin infektiv. Ministria e Shëndetësisë dhe Mbrojtjes Sociale apelon qytetarët të tregojnë kujdes, të mbajnë maskën dhe të respektojnë distancën nga njëri-tjetri si dhe bizneset të respektojnë me rigorozitet protokollet e sigurisë, për të ruajtur shëndetin e qytetarëve,”-njofton Ministria. 

Ministria e Shëndetësis në një dalje për mediat ditën e sotme është shprehur se kanë rezultuar 64 raste të reja të infektuar me Covid-19, në 24 orët e fundit. Po ashtu, mësohet se dy pacientë të tjerë kanë ndërruar jetë si pasojë e koronavirusit, e ndërsa 11 pacientë janë në gjendje të rëndë shëndetësore. Dy pacientët të cilët kanë ndërruar jetë sot si pasojë e Covid-19 është një 78-vjeçare nga Tirana dhe një 83-vjeçar nga Durrësu, i cili prej disa ditësh ishte në terapi intesive dhe vuante nga hipertensioni. Në Spitalin Infektiv aktualisht po trajtohen 84 pasientë, ku 11 prej tyre janë në terapi intesive, e ndërsa dy pacientë janë të intubuar.

Shpërndaje
Share.

Komento