Thaçi: Jap dorëheqjen nëse aktakuzat konfirmohen, me drejtësinë s’do të përballem nga zyra

Google+ Pinterest LinkedIn Tumblr +

Presidenti i Kosovës, Hashim Thaçi, ka deklaruar se do të japë dorëheqje nga detyra e tij në momentin që aktakuza nga Gjykata Speciale do të konfirmohet. Në komunikimin e sotëm me qytetarët dhe mediat Thaçi paralajmëroi se me drejtësinë nuk do të përballet nga zyra e tij.

Ai theksoi se nuk do të lejojë që këto akuza false të zhvendosin vëmendjen e Kosovës nga marrja e vendit që meriton në bashkësinë ndërkombëtare, si anëtare e Kombeve të Bashkuara, NATO-s dhe Bashkimit Evropian

“Kosova po hyn në një kapitull të ri dhe aspak të lehtë, por e gjithë ecuria jonë ka pasur shumë sfida përpara, por unë këtë kapitull nuk e di sa sa i vështirë do të jetë unë jam gati ta shkruaj këtë  kapitull, nuk e di nëse ishte i drejtë se në rrugën drejt Shtëpisë së Bardhe doli një aktakuzë, më prenë rrugën por nuk më cënojnë besimin që ka SHBA ndaj meje dhe qytetarëve të Kosovës, ajo është shtëpia e lirisë dhe pavarësisë së Kosovës.

Një aktaktuzë e pamiratuar nga gjykata speciale është një skandal i madh ndaj figurës sime,  dhe në momentin që dialogu Kosovë-Serbi kishte hyrë në drejtësi, se di kujt drejtësie i ndikon një akuzë e rrufeshme, kjo është një pyetje që do të shtjellohet, ndërsa përgjigja është se ajo komunikatë hodhi në erë takimin në Shtëpinë e Bardhë, Kosova duhet të sigurojë funksionimin stabil të institucioneve, në këtë kapitull të ri vetëm të bashkuar mund të ecim përpara. Politika jonë është liria e shqiptarëve. Do të konsultohem me udhëheqësit, nëse akuza konfirmohet do të jap dorëheqjen, këtë barrë do e mbaj dhe do e mbroj vetën time. Nuk do të lejoj që këto akuza false të heqin vëmendjen nga rrugëtimi i shqiptarëve të kosovës drejt BE. I them jo hakmarrjes dhe po telerancës ndëretnike”, ka thënë Thaçi.

Shpërndaje
Share.

Komento