Një ngjarje e rëndë ka ndodhur mbrëmjen e sotme në qytetin e Krujës, ku dy vëllezër janë ekzekutuar me armë zjarri.
Pasi janë qëlluar ata janë nisur për në spital, por fatkeqësisht kanë humbur jetën rrugës.
Sipas Dosja.al, viktimat janë identifikuari si Gramoz Bardhi, 34 vjeç, dhe Xhentil Bardhi, 24 vjeç, teksa dyshohet se ngjarja ka ndodhur si pasojë e një hasmërie.
Sakaq, Policia është vënë në ndjekje të të dyshuarit kryesor, identiteti i të cilit dihet nga blutë.
Njoftimi i policisë:
Më datë 04.06.2020, rreth orës 22:25, në fshatin Gramëz, Krujë, në rrethana ende të paqarta janë plagosur më armë zjarri shtetasit G.B., 34 vjeç, dhe Xh.B., 24 vjeç, (vëllezër), të cilët janë dërguar në spital por rrugës kanë ndërruar jetë.
Në ndihmë të Komisariatit të Policisë Krujë kanë shkuar dhe forca të DVP Durrës dhe FNSh e Tiranës ku vijon krehja e zonës për kapjen e autorit.
Menjëherë është ngritur Grupi hetimor dhë në ndihmë të tyre janë nisur dhe Specialistët e Krimeve të Rënda në Departamentin e Policisë Kriminale dhe nën drejtimin e Prokurorisë së Rrethit Krujë po punohet për sqarimin dhe dokumentimin e plotë të rrethanave të ngjarjes.
