Teksa i gjithë vendi është në shtetrrethim deri të hënën, një 20-vjeçar është arrestuar mbrëmjen e kësaj të premte në qytetin e Gjirokastrës, pasi jo vetëm kishte thyer karantinën, por qarkullonte me armë.
I riu i identifikuar si Surjat Roshi lëvizte lirshëm në fshat, por menjëherë ai është çarmatosur nga policia dhe është dërguar në paraburgim.
Mbi të rëndojë akuzat për veprat penale të armëmbajtjes pa leje dhe thyerje të karantinës.
Pasditen e sotme kryeministri Rama realizoi një komunikim live në Facebook me të gjithë qytetarët ku njoftoi vendime të rëndësishme dhe lehtësime të masave.
Kreu i qeverisë ka deklaruar se do falen të gjitha gjobat e vendosura deri tani për këmbësorët dhe automjetet që kanë thyer masat e marra kundër Covid-19.
Kjo do të thotë se 7 mijë e 107 qytetarë që kanë thyer masat si këmbësorë nuk do paguajnë gjobën 10 mijë lekëshe, teksa 1 mijë e 941 shoferëve që u është bllokuar mjeti apo automjeti, patenta dhe është dënuar me gjobë do i kthehet automjeti apo mjeti, patenta si dhe nuk do paguajë gjobë.
