Tha se banori i Astirit kishte ndërruar jetë/ Spitali nxjerr blof ish-deputeten: Asnjë viktimë

Google+ Pinterest LinkedIn Tumblr +

Inspektoriati Kombëtar i Mbrojtjes së Territorit ka nisur sot shembjen e banesave në zonën e Astirit.

Në mbështëetje të tyre ishin dhjetëra forca policie, të pajisur me molotov.

Efektivët u përplasën me banorët, të cilët u kundërpërgjigjën me gurë, shkopinj e molotov.

Si pasojë e përleshjeve pati dhjetëra të plagosur, midis të cilëve policë dhe protestues.

Ish-deputetja demokrate, Oriola Pampuri, deklaroi live se njëri prej protestuesve ka humbur jetën.

Pampuri: Zotëria, është zyrtare, zotëria ka humbur jetën. Për këtë Edi Rama do të mbajë përgjegjësi. Një nga banorët e Unazës, një nga protestuesit sot ka humbur jetën për shkak të dhunës që është ushtruar nga policia e Sandër Lleshit dhe Edi Ramës.

Gazetari: Është e konfirmuar kjo?

Pampuri: Tani sapo ma konfirmojnë banorët që kishin komunikuar me familjarët. është një turp për të cilin do të mbani përgjegjësi. është një krim i cili lidhet drejtpërdrejtë me Edi Ramën.

Gazetari: Emrin e personit?

Pampuri: E njoh emrin që më thanë se ka vdekur. Bëhet fjalë për Rrahman Imallarin. Kam ndenjur me të gjatë protestave.

Ky lajm është përgënjeshtruar menjëherë nga spitali i Traumës.

Ky institucion shprehet se po marrin shërbim 12 persona, prej të cilëve, 5 policë dhe 7 protestues dhe asnjë nuk është në rrezik për jetën.

Gjithashtu është publikuar edhe foto e protestuesit që përmendi Pampuri, i cili është shëndoshë e mirë.

Në kodin penal, përhapja e panikut konsiderohet vepër penale dhe dënohet me gjobë deri në 5 vite burg.

Shpërndaje
Share.

Komento