SHBA ka shpallur gjendjen e Emergjencës shëndetësore publike dhe u ka bërë thirrje qytetarëve të mos bëjnë asnjë udhëtim drejt Kinës.
Deri më tani janë konfirmuar tetë raste me të infektuar nga Coronavirusi.
Rasti i fundit është ai i një studenti nga Boston, i cili kishte qenë në Wuhan të Kinës.
Po ashtu, linjat ajrore kanë pezulluar fluturimet SHBA-Kinë, ndërkohë që SHBA ka bërë evakuimin e 195 amerikanëve që ndodheshin në Kinë.
Deri më tani virusi vdekjeprurës ka shkaktuar 304 viktima dhe ka infektuar 14 mijë e 380.
Këto janë të dhënat zyrtare, por aludohet se numri i të prekurve mund të jetë shumë më i madh.
