Organizata Botërore e Shëndetësisë ka bërë thirrje për ndihmë pas tërmetit të rëndë që goditi Mianmarin pak ditë më parë, duke shkaktuar rreth 1,700 viktima dhe 3,400 të plagosur.
Në një deklaratë zyrtare, OBSH thekson nevojën urgjente për mbledhjen e 8 milionë dollarëve, të cilat do të përdoren për të mbështetur popullsinë e prekur.
Sipas organizatës, situata kërkon një reagim të menjëhershëm për të ofruar trajtim për të plagosurit, për të parandaluar përhapjen e sëmundjeve dhe për të rikthyer shërbimet shëndetësore bazë gjatë 30 ditëve të ardhshme.
OBSH po operon në “nivelin më të lartë të emergjencës”, ndërsa mijëra persona mbeten të rrezikuar nga sëmundjet dhe dëmtimet e mëtejshme.
