GREQI
Edhe pse jetojmë në një kohë të vështirë, për shkak të krizës së koronavirusit, duket se vështirësitë shtohen për vendet e Ballkanit, përfshirë dhe Greqinë.
Në vendin tonë fqinj, ku jetojnë shumë shqiptarë, së fundmi ka rënë një tërmet me magnitutë 5.2 ballë të shkallës Righter.
Mediat vendase thonë se tërmeti e ka pasur epiqendrën në jug të Greqisë, por se lëkundjet janë ndjerë deri në Athinë.
Fatmirësisht, deri tani është raportuar vetëm për dëme materiale, jo viktima apo dëme të tjera në njerëz.
Instituti Gjeodinamik i Athinës tha se epiqendra e tërmetit ishte afër ishullit të Hydras, në lindje të Peloponezit. Tërmeti u regjisttrua në orën 10:27 minuta.
Kujtojmë se edhe Shqipëria ka “vuajtur” nga tërmetet e rëna së fundmi.
Dy tërmete, njëra shumë i fuqishëm, goditën vendin tonë, duke sjellë pasoja shkatërrimtare materiale, ndërsa kishte edhe viktima.
Shumë njerëz dolën pa banesa për shkak të këtij tërmeti, që preku më shumë Durrësin, rrethinat e qytetit bregdetar, Thumanën dhe Tiranën.
Qeveria shqiptare ka premtuar një rindërtim për të gjitha ndërtesat, që pësuan dëmtime nga tërmeti në vendin tonë.
