Tërhoqi zvarrë qenin me makinë në Sukth, ndërron jetë 50-vjeçari Perkoxha

Google+ Pinterest LinkedIn Tumblr +

Ka ndërruar jetë ditën e sotme 50-vjeçari Faik Perkoxha i cili u bë i njohur pak ditë më parë në media për shkak të veprimit të tij që tërhoqi zvarrë me makinë qenin në rrugë.

Para pak ditësh ai u filmua Sukth të Durrësit duke tërhequr  zvarrë me makinë qenin, ndërsa pasi rasti u bë publik u shoqërua nga policia dhe u procedua penalisht.

Por sot ka ndërruar jetë. Policia thotë se Perkoxha nga Sukthi ishte në shtëpinë e një miku të tij në Dibër kur i ra infarkt. Pavarësisht se u transportua në spitalin e Peshkopisë nga familjarët, ai  nuk arriti që të mbijetonte duke ndërruar jetë.

Njoftimi i policisë:

Dibër / informacion paraprak

Më datë 22.09.2020, është transportuar për në spitalin e Peshkopisë nga familjarët shtetasi F. P., rreth 50 vjeç,  banues në Sukth, Durrës, pa shenja jete,  i cili nga hetimet paraprake të kryera  dyshohet se ka humbur jetën si pasojë e infraktit, në banesën e një miku të familjes.

Grupi hetimor vijon hetimet për zbardhjen e shkaqeve të ngjarjes.

Ndërkohë “Animal Rescue Albania”, ka publikuar fotot në faqen e saj nga vendngjarja dhe u ka bërë thirrje autoriteteve që të veprojnë për këtë rast.

“Çfarë mëkati kaq të madh kishe bërë vogëlush që të tërhoqën zvarrë deri në vdekje, që të torturuan derisa pe vdekjen në sy dhe e ndjeve në çdo qelizë tënden? Ke lehur shumë? Ke ngrënë pulat? Apo mos ishe vallë i sëmurë?

Pas kësaj makine është monstra e vërtetë, personi që buzëqesh me gjakftohtësi teksa torturon deri në vdekje këtë qen të gjorë është familjar i juaji, është kushëriri juaj, është komshiu juaj, është miku juaj, është kolegu juaj… nuk i dihet kurrë se nesër këtë krim nuk do ta kryejë në dëmin tuaj”,- shkruan në Facebook “Animal Rescue Albania”.

Kujtojmë se, pak kohë më parë, Parlamenti i Shqipërisë miratoi një ligj sipas të cilit keqtrajtimi, vrasja apo përçudnimi i kafshëve të ndryshme, sidomos atyre shtëpiake, do të ndëshkohej deri me heqje lirie për autorin.

Shpërndaje
Share.

Komento