Një ngjarje aspak e zakontë ndodhi tre ditë më parë në qytetin e Korçës.
Një 18-vjeçar tentoi t’i rrëmbente nga duart vajzën e saj 4-vjeçare një nëne.
Në ndihmë të nënës së re i kanë ardhur disa banorë të lagjes, ku një djalë e ka ndjekur me vrap 18-vjeçarin për të shpëtuar vajzën e mitur.
Banorët e lagjes u shprehën më mbrapa se 18-vjeçari njihej nga të gjithë që vuante nga probleme të shëndetit mendor.
Arrestimi i autorit të ngjarjes u bë nga policia, ku ditën e sotme në Korçë është zhvilluar edhe seanca gjyqësore ndaj tij.
Gjykata ka vendosur shtrim të detyrueshëm në një spital psikiatrik për të pandehurin.
Ngjarja e rëndë ndodhi rreth orës 22:00 të mbrëmjes së të shtunës, ku 18-vjeçari tentoi t’i rrëmbejë nënës vajzën 4-vjeçare.
Ka qenë një djalë ai i cili e ka ndjekur autorin dhe pak metra më tej ka arritur ta ndalojë duke i marrë vajzën.
