“Të vjen për të qeshur kur e shikon”, Rudina Hajdari komenton “shqiponjën” e Metës

Google+ Pinterest LinkedIn Tumblr +

Ditën e sotme deputetja Rudina Hajdari ka mbajtur fjalën e saj në foltoren e Kuvendit , ku ka komentuar vendimin e presidentit Meta për dekretimin e datës së zgjedhjeve, por edhe gjestin e tij ku “bëri shqiponjën” me duar në fund të konfencës për media.

Hajdari u shpreh se vendimi i presidentit është në konflikt interesi pasi bashkëshortja e tij Monika Kryemadhi është bashkëkryetare e opozitës.

Ndërsa për shkarkimin e  Metës është shprehur se i duhet pak kohë për të marrë një vendim pasi ky është një proces kompleks që duhet të kalojë përmes disa hallkave kushtetuese dhe ligjore.

E ndërsa gjestin e Metës ku bëri shqiponjën me duar, deputetja Hajdari e ka cilësuar të gabuar. Ajo është shprehur se i ka ardhur për të qeshur kur e ka parë ashtu presidentin Meta.

Ky gjest që ne bejmë për kombin është akt patriotik. Është një akt i gabuar, të vjen për të qeshur kur e shikon. Bëhet në një vend të jashtëm, jo ndaj shqiptarëve. Nuk mund të thotë Presidenti që unë jam më patriotik se ty”, është shprehur në fjalën e saj Hajdari.

 Deputetja ka shtuar po ashtu:

“Gjykimi mbi vendimin e Presidentit të Republikës e merr vetëm Kushtetuta dhe ne duhet të jemi shumë të saktë me opinionin publik. Shkarkimi i Presidentit eshte shantazh.

Ai bëhet me propozim të 35 deputetëve, pastaj kërkesa dërgohet në Komisionin Hetimor i cili ka për detyrë të dëgjojë Presidentin dhe më pas ky komision ka për detyrë të përpilojë argumentet dhe t’a dërgojë Gjykatës Kushtetuese. Por ky është fati i keq i shqiptarëve i cili na merr zvarrë të gjithëve. Është arsyeja ime që më bën të mendoj dhe ngre pikëpyetjet se pse ky president ka marrë një veprim të tillë.”

Shpërndaje
Share.

Komento