Ajo që ka mbajtur fjalën në foltoren e Kuvendit, pas shumë debateve e toneve të larta midis deputetit Ralf Gjoni e Halit Valteri, ka qenë deputetja Rudina Hajdari.
Kjo e fundit ka deklaruar se ky sezon parlamentar duhet të mbyllet me një arritje të madhe, ndryshimin e sistemin dhe miratimin e listave të hapura.
Hajdari theksoi se në zgjedhjet e ardhshme deputetët duhet të futen në garë me emrat e tyre, pra të njihen nga populli.
“Reforma në Drejtësi është një kusht për të pasur një sistem të pastër dhe për të ecur në bashkimin europian.
Ky parlament në këtë sezon duhet të mbyllet me një arrtije të madhe miratimin e ndryshimit të sistemit dhe listave të hapura.
Do të luftoja fort për këto kauza dhe duhet t’i cojmë këto gjëra deri në fund. Duhet të futemi në garë me emrat tona.
Nëse arrihet kjo betejë do të fitojë fermeri dhe jo gangsteri”, u shpreh Hajdari.
Para pak ditësh në Kuvend u riprotokollua dokumenti, i cili kërkon ndryshimin e ligjit themeltar të shtetit nga ku kanë ndryshuar vetëm firmëtarët, por jo përmbajtja e dokumentit, e cila është e njëjtë me variantin e parë, rritje pragu 5 përqind për ndarjen e mandateve, hapje e listave dhe ndalim i koalicioneve parazgjedhore.
Në pronocimin e djeshëm për mediat, Rudina Hajdari, përfaqësuesja e Opozitës Paralamentare në Këshillin Politik tha se ishte Opozita Jashtëparlamentare që nuk lejoi një dakordësi për ndryshimin e sistemit.
