Një tjetër dënim vjen për Kombëtaren Shqiptare të Futbollit për shkak të veprimeve që ndodhin jashtë fushës së lojës, edhe pse në rastin konkret kjo është pjesërisht e saktë.
FSHF është gjobitur me 37 500 franga për dronin e ngritur në Elbasan Arena në ndeshjen eliminatore ndaj Hungarisë ku shkruhej” “Taulant Balla, Elbasani ty të do”. FIFA e ka cilësuar këtë si ‘’veprim që cënon sigurinë e ndeshjes që përfshin hedhjen e objekteve, ngritjen e dronëve apo përcjelljen e mesazheve jo të duhura për një ndeshje sportive”.
Droni u ngrit pasi kyetari i Partisë Socialiste, Edi Rama e largoi Ballën si drejtues të qarkut dhe e dërgoi në Fier. Në stadium nuk munguan as thirrjet “Rama ik”.
Kujtojmë që Kombëtarja u gjobit me 150 mijë franga dhe një ndeshje me dyer të mbyllura për shkak të incidenteve që ndodhën në ndeshjen me Poloninë në “Air Albania”.
Kujtojmë që Shqipëria do të luajë ndeshjen e radhës për kualifikueset e Botërorit “Katar 2022”. Për këtë ndeshje edhe Anglia është dënuar nga FIFA që të luajë pa praninë e tifozëve për shkak të incidenteve që ndodhen mes tifoxëeve dhe policisë në ndeshjen ndaj Hungarisë në Wembley. Edhe pse është mjaft e vështirë, Shqipëria është ende në garë për vendin e dytë në grup matematikisht, teksa renditet e treta pas Polonisë që mori tre pikët në “Air Albania”.
