Presidenti i Shqipërisë, Ilir Meta, nëpërmjet një postimi në rrjetin social “Facebook”, bën thirrje që asnjë votë të mos tjetërsohet gjatë procesit të numërimit. Meta gjithashtu bën apel që të ruhet qetësia deri në shpalljen e rezultateve. Presidenti shtoi se çdo votë në kuti, do të numërohet deri në fund.
Statusi:
“Asnjë votë të mos tjetërsohet në procesin e numërimit. Numëruesit të mos ndikohen nga përzgjedhjet e qëllimshme të kutive të numërimit për qëllime demoralizimi të rivaleve. Të gjithë të ruajnë qetësinë deri në shpalljen e rezultateve përfundimtare. Çdo votë në kuti do numërohet dhe rinumërohet deri në fund”, shkroi Meta.
Ndërsa Jonida Tabaku, për humbjen e PD-së në njësinë 10 në Tiranë, u shpreh: “Falënderoj të gjithë qytetarët e Shqipërisë, por veçanërisht të Tiranë së dje morën pjesë masivisht në zgjedhje dhe Tirana po i prin ndryshimit. Rezultatet që erdhën nga dega 10 në Tiranë janë të jashtëzakonshme. Partia Demokratike është rritur më 30%, ka një rritje me 1200 vota, ndërsa PS ka rënë me 200 vota. Unë ftoj të gjithë numëruesit të numërojnë me vendosmëri. Rezultatet në çdo kuti votimi tregojnë këtë trend. Tirana po i prin ndryshimit, unë i ftoj të gjithë që të vazhdojnë. Tirana po fiton,Shqipëria po fiton”, tha Tabaku.
Memaliaj/ Shpërthim tritoli në banesën e administratorit të Qesaratit, autorët djegin ‘Range Rover’ dhe zhduken në këmbë
Një shpërthim me lëndë plasëse ka ndodhur në orët e para të mëngjesit në fshatin Toç, në Memaliaj, duke shënjestruar...
