Studentja e infektuar me Covid-19 alarmon Politeknikun, anulohet sezoni i  provimeve

Google+ Pinterest LinkedIn Tumblr +

Provimet e sezonit të verës në Universitetin Politeknik të Tiranës janë anuluar. Kjo ka ndodhur pasi një studente nga Fakulteti i Teknologjisë dhe Informacionit ka rezultuar e infektuar me Covid-19.
“Është konfirmuar një studente e FTI-së viti i tretë është prekur dhe ka dal pozitive me COVID-19. Për këtë arsye për të ndaluar përhapjen e pandemisë Ju njofton vendimin për Pezullimin menjëherë të sezonit të provimeve të verës në FTI! Ku pezullim do vazhdojë deri në një njoftim të dytë për fillimin dhe mënyrën e kryerjes së provimeve!”, bëhet me dije në njoftimin nga rektorati.

Vendimi do jetë në fuqi deri në një njoftim të dytë ku do tregohet si do veprohet me provimet që po shtyhen momentalisht. Ndërsa u bëhet thirrje studentëve dhe pedagogëve të respektojnë masat dhe të kujdesen maksimalisht për të shmangur një infektim të mundshëm.

Shpërndaje
Share.

Komento