SPAK i kaloi Prokurorisë së Shkodrës dosjen e “Bajrajve”, zbulohet arsyeja

Google+ Pinterest LinkedIn Tumblr +

Një operacion i policisë në shtator të 2018-ës, çoi në arrestimin e 11 personave, pjesë e grupit “Bajri” në Shkodër.

Mirëpo pas një kalavari të gjatë procesesh gjyqësore të Krimet e Rënda dhe SPAK, dosja është kthyer në Prokurorinë e Shkodrës.

Prokuroria e Posaçme nuk gjeti prova për grup të strukturuar kriminal, duke e hequr nga kompetenca këtë dosje.

Kërkesa e SPAK u pranua edhe nga Gjykata e Posaçme, la në fuqi vendimin.

Sipas argumentit të SPAK, nga gjashtë persona, vetëm dy dyshoheshin për grup të strukturuar.

Kësisoj ka rënë akuza për grup të strukturuar, pasi duhet të jenë të paktën 3 anëtarë.

Behar Bajri do të hetohet në Shkodër për vrasje, ndërsa Safet Bajri së bashku me Asmer Bilalin për paracaktim të rezultatit sportiv.

Ilir Bajri dyshohet për gjobvënie, Ismet Idrizi për armëmbajtje pa leje dhe Emrah Plaku për ndërtim të paligjshëm.

Avokatëve mbrojtës shprehen, se sapo çështja të merret nga prokuroriët e Shkodrës, do të kërkohet lirimi i tyre.

Kujtojmë këtu se më herët, prokuroria kishte rrëzuar akuzën për grup të strukturuar kriminal për pesë të dyshuar të tjerë.

Shpërndaje
Share.

Komento