Ambasadori i Bashkimit Europian në Shqipëri, Luigi Soreca ka dhënë detaje nga takimi me kreun e Komisionit Qendror të Zgejdhjeve, Ilrijan Celibashi.
Soreca shkruan në Twitter se është e rëndësishme të adresohen rekomandimet e OSBE ODIHR shumë përpara kohe. Ambasadori thotë se autoritetet kompetente duhet të hetojnë parregullsitë dhe pretendimet me zgjedhjet e fundit, ndërsa thekson se BE do të vijojë që të sigurojë mbështetjen e nevojshme për KQZ-në.
“Bisedë e mirë sot me Kryetarin e KQZ-së Ilirjan Celibashi dhe me Ambasadoren e Shteteve të Bashkuara në Shqipëri Yuri Kim. Kryetari na informoi mbi vlerësimin përfundimtar të KQZ-së për procesin zgjedhor të 25 prillit, përfshirë çështjen e rëndësishme të identifikimit biometrik, dhe për planin e ardhshëm të KQZ-së në funksion të zgjedhjeve të ardhshme.
Është e rëndësishme të adresohen rekomandimet e OSBE ODIHR shumë përpara kohe. Të gjitha rekomandimet e ODIHR-it duhet të ndiqen nga të gjithë aktorët shqiptarë përgjegjës në kuadrin e një reforme zgjedhore gjithëpërfshirëse.
Parregullsitë dhe pretendimet në lidhje me zgjedhjet e fundit duhet të hetohen tërësisht nga autoritetet kompetente, siç theksohet në Raportin 2021 të Komisionit Evropian për Shqipërinë. BE do të vazhdojë të sigurojë mbështetjen e nevojshme për KQZ-në në funksionet e saj thelbësore”, shkruan Soreca.
1/3 Good conversation today with CEC Chairman @ICelibashi 🇦🇱 together with @USAmbAlbania 🇺🇸. The Chairman briefed us on (1) the upcoming CEC final assessment on 25 April electoral process, incl. on the important issue of biometric identification, and (2) on the upcoming CEC… pic.twitter.com/Do9XcGUOJo
— Luigi Soreca🇪🇺 (@LSorecaEU) October 26, 2021
