Presidentja e Kosovës Vjosa Osmani ka zhvilluar një vizitë zyrtare në Tiranë këtë të hënë ku ka takuar homologun e saj Bajram Begajn. Në një konferencë të përbashkët me këtë të fundit Osmani është shprehur se Kosova e pavarur po përballet me sfidën më të madhe, me kërcënime për sigurinë e kombit. Sipas Osmanit Serbia nuk e pranon pavarësinë e Kosovës dhe do ta zhdukë këtë shtet nga faqja e dheut.
“Përballet me sfidimin më të madh të sigurisë, e them se kur kemi përballje me sfida të tilla, agresion të përditshëm nga ana e një fqinji agresiv që vazhdon me logjikën e zhdukjes sonë nga faqja e dheut, është detyrim që interesat kombëtare të jenë para së gjithash”, tha Osmani. E parë në këtë prizëm, ajo tha se nuk ka asnjë dyshim që Shqipëria dhe Kosova kanë një qëllim të përbashkët, ajo që mund t’i ndryshojë është strategjia. Nuk kam asnjë dyshim që qëllimin e kemi të përbashkët, nëse ndonjëherë kemi ndryshim në strategji, duhet të ulemi si një familje, sepse ne jemi si një familje. Edhe ndonjë moment i vogël kalohet, pa ndonjë problem të madh”, deklaroi Osmani.
