Një ngjarje e tmerrshme ka ndodhur në Istog të Kosovës ku dy persona kanë mbetur të vdekur.
Disa grabitës kanë tentuar që të vjedhin bankën në qendër të qytetit të Istogut, gjë që është kapur në kohë nga policia dhe brenda disa minutave policët dhe grabitësit kanë filluar të shkëmbejnë zjarri.
Deri më tani kanë mbetur të vdekur një polic dhe njëri prej grabitësve.
Sipas mediave kosovare, polici i vrarë është I.D nga Istogu, ndërsa grabitësi ëshë K.M, I cili rezulton i dëbuar nga Gjermania pasi kishte vuajtur dënimin prej 17 vitesh burg në këtë shtet.
“Mund të konfirmoj se ka ndodhur një vrasje në Istog, ku pas një përleshje me armë zjarri, dy persona kanë vdekur, njëri nga ta është një pjesëtar i Policisë së Kosovës”, ka thënë Zëdhënësi i Policisë në Pejë, Xhevat Ibraj.
Policia e Kosovës dyshon se në tentativën për të grabitur bankën ka pasur edhe persona të tjerë të implikuar, ndryshe nga ata që ishin duke kryer aktin dhe po punon për arrestimin e tyre.