Shkarkohet drejtori i burgut të Drenovës, ja kush e zëvendëson

Google+ Pinterest LinkedIn Tumblr +

Pas skandalit me lirimin me kusht të të dënuarit me burgim të përjetshëm për vrasjen e Naizm Zyberit në 1997, Gert Gjinarati, njohur si “Gjenerali”, është shkarkuar drejtori i burgut të Drenovës, Novruz Hoxha,

Në vend të tij është emëruar Genc Fejzollari.

Ndaj drejtorit të burgut kishte nisur procedim dhe janë referuar materialet pranë Prokurorisë Korçë, për veprën penale shpërdorim detyre dhe falsifikim dokumenti.

Ndërkohë më herët, ministrja e Drejtësisë Etilda Gjonaj, i ka kërkuar Këshillit të Lartë Gjyqësor dhe inspektoratit të nisin e procedimin disiplinor për gjyqtarin që dha vendimin më 14 shkurt 2019.

Gjinarati u dënua me burgim të përjetshëm në Itali, por me sjelljen e dosjes në Shqipëri ai kërkoi gjykim të shkurtuar, duke pranuar të gjitha aktet e akuzës, ç’ka e çon dënimin përjetë në 25 vite burg.

Gjykata e Korçës, kryesuar nga kryetari Markelian Kuqo ka vendosur të pranojë kërkesën e Gjinararit për lirim me kusht, një vendim i marrë më 14 shkurt të këtij viti, në ditën e “Shën Valentinit”. Gert Gjinarari u ekstradua në Shqipëri në vitin 2014, ndërsa akuzohet si bashkëpunëtor me Arben Grorin në vrasjen e bujshme të Zyberit.

Në vendim shkruhet se Gjinarari është plotësisht i rehabilituar dhe i gatshëm për tu riintegruar në shoqëri, duke argumentuar se një nga arsyet e dhënies së lirisë me kusht është edhe sjella e mirë që i dënuari ka pasur në burg, “shembullore”, – theksohet në vendim.

Shpërndaje
Share.

Komento