Duket sikur në Itali po ripërsëritet tragjedia e muajve mars-maj ku për pak vendi kaloi në kolaps shëndetësor për shkak të mijëra të vdekurve dhe qindra mijëra të infektuarve nga koronavirusi.
Vetëm gjatë ditës së sotme, në bilancin e 24 orëve të fundit, Ministria e Shëndetësisë italiane ka bërë me dije se janë regjistruar mbi 27 mijë raste të reja dhe qindra të vdekur nga Covid.
Deri më tani që prej fillimit të pandemisë, numri i të infektuarve nga covid në Italia ka kaluar shifrën e 1.2 milionë personave.
Ndërkohë në ditën e fundit janë regjistruar 504 viktima nga koronavirusi, me një total jetësh të humbura që i ka kaluar 45 mijë (45.733), deri më tani.
Sakaq raste aktive ende me koronavirus në Itali janë 717.784 ndërsa në gjendje të rënduar afro 3500 persona./GazetaReforma.com/
