Një sherr në qytetin e Durrësit ka lënë të plagosur një nxënës të shkollës 9-vjeçare.
Dy adoleshentë, nxënës shkollë janë konflikuar pasditen e sotme, nga ku sherri ka degjeneruar në përdorimin e mjeteve të forta, konkretisht thikës. Pas konfliktit një prej djemve ka përfunduar i plagosur afër shtyllës kurrizore dhe ka përfunduar në gjendje të rëndë në Qendrën Spitalore të Traumës ku ndodhet në terapi intensive.
Mësohet se dy adoleshentët janë nxënës të së njëjtës shkollë dhe sherri mes tyre ka ndodhur në rrugë. Policia ndërkohë ka ndaluar autorin e plagosjes.
