Ministrja e Shëndetësisë dhe Mbrojtjes Sociale Ogerta Manastriliu gjatë ditës së sotme ishte e pranishmë në Vlorë ku inspektoi punën e Task-Forcës Anti-COVID, për parandalimin e përhapjes virusit.Manastirliu e shoqëruar nga deputetët e Vlorës dhe kryetari i Bashkisë, Dritan Leli përsëriti edhe njëherë urdhërin për të mos toleruar asnjë subjekt që nuk respekton protokollin e sigurisë. Gjithashtu ajo , se subjektet që shkelin ligjin do të gjobiten me 700 mijë lekë fillimisht dhe në rast përsëritje do të mbyllet aktiviteti.
“COVID19
VLORË – Ministrja Manastirliu me kryetarin e Bashkisë së Vlorës dhe deputetët e qarkut, gjatë inspektimit të Task-Forcës antiCOVID në vijën bregdetare, për respektimin e masave dhe protokolleve për të kufizuar përhapjen e COVID19.
Masa të forta për shkelësit e ligjit. Gjoba 700,000 lekë deri në mbyllje aktiviteti në zonat bregdetare. Sepse shëndeti është i pari!”
Ministrja e Shëndetësisë kërkoi vigjilencën e të gjithë strukturave të Task-Forcës për respektimin e masave, për mbajtjen e maskave në transportin publik apo aktivitete të tjera me risk të lartë dhe kontrollet në aktivitetet që janë ende të ndaluara, si, klubet e natës apo grumbullimet masive.
“Policia e shtetit, inspektoriatet dhe e gjithë Task-Forca duhet të ketë një vëmendje të shtuar tek klubet që ushtrojnë veprimtarinë në orët e darkës, të cilat janë të ndaluara. Dhe po e përsëris për të gjitha subjektet, për ato bare restorante që ofrojnë shërbime në orare të zgjatura, duhet që të mos ketë tolerancë në rast të mos respektimit të rregullave të distancimit fizik, mbajtjen e maskave në shërbim, higjienën, etj. Transporti publik po ashtu ka filluar. E di që keni bërë një punë të mirë deri tani. Besoj do të kemi edhe një strukturë të dedikuar të bashkisë, policisë bashkiake për të garantuar që qytetarët të vendosin maskat, pra ata të cilët aksesojnë transportin publik dhe sigurisht ata që shërbejnë në të gjitha këto aktivitete”, pohoi Manastirliu.
