Presidentja e Greqisë Ekaterina Sakellarapoulou, ka telefonuar rrobaqepësen shqiptare, Elona Agolli për ta falenderuar për dhurimin e maskave në spitalin Grevena.
Agolli iu përgjigj kërkesës së spitalit për të bërë 600 maska, ndërsa refuzoi edhe pagesën, kur zyrtarët i kërkuan të vendoste një çmim.
Rrobaqepëses shqiptare iu deshën 9 ditë për të qepur maskat, të cilat janë të përbëra nga një leckë e dyfishtë.
Më pas maskave iu vu një filtër special në spitalin e Grevenas.
Presidentja e Greqisë ka shkruar në një postim në rrjetet sociale ndër të tjera, se akte të tilla të japin një mundësi për rimenduar vlerat njerëzore.
“Rrobaqepësit e modave bëjnë maska, mësuesit vazhdojnë kurse online, bizneset ofrojnë mbështetje financiare dhe logjistike. Akte të tilla na japin një mundësi unike për të rimenduar vlerat tona njerëzore dhe mënyrën se si ne organizojmë marrëdhëniet tona personale, familjare dhe shoqërore “, shkruan ajo.
Ky nuk është rasti i parë, ku një shqiptare bëhet protagoniste në një situatë kur bota po lufton me COVID-19.
Disa javë më parë, një tjetër shqiptare bëri xhiron e mediave në Itali.
Hatixhe Hallulli, mamaja e tre fëmijëve, gatuante ëmbëlsira dhe u ofronte drekën stafit të urgjencës në Florenzuola.
Gatuan drekën dhe ëmbëlsira për stafin e urgjencës, gruaja shqiptare bën xhiron e mediave italiane
Ndërkohë edhe në Shqipëri dy laborantë, Besar Lalike dhe Eldian Cepele, kanë nisur punën për krijimin e pajisjeve, të cilat mundësojnë modifikimin e ventilatorëve mjekësore, në mënyrë që të furnizohen me oksigjen dy pacientë njëkohësisht.
Për herë të parë për nismën e tyre, e cila rezultoi me sukses, shkroi “Iconstyle.al”,
Shqipëria në krizë për ventilatorë, laborantët dentarë ndërmarrin nismën fantastike
