Sekuestrohet ish-Hotel Vollga në Durrës, ja si Emiljano Shullazi kishte privatizuar një pjesë të pronës

Google+ Pinterest LinkedIn Tumblr +

DURRËS

Ish-hotel Vollga në Durrës duke nisur nga dita e sotme do të jetë në menaxhim nga shteti.

Agjencia e Administrimit të Pasurive të Sekuestruara dhe të Konfiskuara, ka sekuestruar hotelin e famshëm në Durrës, ndërsa nuk dihet ende arsyeja e vendimit të marrë.

Kjo agjenci pritet që të dalë në një konferencë për mediat sot dhe të japë detaje mbi këtë konfiskim.

Në periudhën e privatizimeve, ky hotel i kaloi një pronari që pretendonte pronësinë e saj, por në vitin 2014, një pjesë e pronës i kaloi Emiljano Shullazit.

Mësohet se sekuestrimi i “Vollgës” ka ardhur pas hetimeve të SPAK-ut, bazuar në ligjin Antimafia, për kalim të pronës tek Emiljano Shullazi.

Ky i fundit e ka përfituar pronën në bazë të dy akteve të dhurimi, mirëpo është dhe në hetim edhe i paraburgosur. Shullazi dyshohet se e ka marrë pronën në mënyrë të dhunshme.

Shpërndaje
Share.

Komento