Ekspertët e shëndetësisë e kanë cilësuar situatën alarmante në Sarandë. Bëhet fjalë për 200 të infektuar brenda një vetëm një jave, duke krijuar kështu vështirësi në trajtimin spitalor të të infektuarve.
Kujtojmë se Specialistët e Shëndetit Publik mbyllën një shkollë të mesme dhe Hipotekën e Sarandës pas prekjes me Covid të një pjese të madhe të stafit të punës.
Mjekët bëjnë apel për kujdes, ruajtjen e distancës dhe respektimin e rregullave kundër COVID-19.
“Pra, jemi në një rritje të madhe të rasteve. Që do të thotë është tani momenti I duhur për t’u ndërgjegjësuar, njerëzit të marrën masa parandaluese se me këto ritme po themi që shumë shpejt me këto ritme popullsia e Sarandës do të infektohet shumë. Sidomos në vaki, në sebepe në lokale duhet shmangur grumbullimi”, u shpreh Milto Çondi, shefi i epidemiologjisë në Sarandë.
Sa i përket kapacitetit të spitaleve, Çoni tha se nëse vazhdohet me këto ritme mund të kemi tejmbushje dhe të infektuarit do të dërgohen në Tiranë.
“Duhet të kenë kujdes sidomos nëpër vaki, që venë sepse është një vatër infektimi shumë e madhe. Rastet fatkeqësisht po shtohen ne duhet të bëjmë kujdes sa të kalojmë këtë faze. Në këtë periudhë kemi pasur dhe raste të rënduara, të cilat i kemi dërguar në Tiranë. Mund të kemi 30 , 40 ose 50 raste në ditë që kanë dalë pozitiv”, u shpreh Spiro Talo, shefi i shërbimit të urgjencës.
Rritja e rasteve pozitive me Covid-19 ka sjellë një ngarkesë të menjëhershme të spitaleve dedikuar trajtimit të pacientëve me virus. Ndaj dhe zgjidhja që japin rrethet për tranferimin e pacientëve në Tiranë, nuk ka për të rezultuar me sukses.
Prej katër ditësh tashmë, për shkak të rëndimit të situatës tek spitali “Shefqet Ndroqi”, urgjencat e Tiranës dërgohen tek infektivi.
Duke i’u referuar vetëm një periudhe kohore nga data 15 janar “Shefqet Ndroqi” kishte 90 të shtruar, kurse sot 200. Momentalisht në të katërt spitalet e Covid ka mbi 420 të shtruar.
