Kreu i Lëvizjes Vetëvendosje, Albin Kurti, ka reaguar në lidhje me Samitin e tretë të Minishengenit Ballkanik.
Të shtunën në Tiranë, kryeministri Edi Rama priti homolgët Zoran Zaev, Milo Gjukanovic, si dhe presidentin serb, Aleksandër Vuçiç.
Përmes një mesazhi në Tëitter, Kurti shkruan, se rruga nga Beogradi për në Tiranë, kalon në Prishtinë.
Sipas kreut të Vetëvendosje, shqiptarët dhe kosovarët do të jenë gjithmonë një popull dhe askush nuk mund të qëndrojë mes tyre.
“Parimet e gjithëpërfshirjes dhe reciprocitetit duhet të udhëheqin iniciativat rajonale. Rruga nga Beogradi për në Tiranë kalon nëpër Prishtinë. Ne jemi dhe gjithmonë do të jemi një popull dhe askush nuk mund të qëndrojë mes nesh. Ne kemi nevojë për më shumë bashkëpunim jo konfrontim!”, shkruan Albin Kurti.
Samiti i Minishengenit është kundërshtuar me forcë në Tiranë dhe Prishtinë.
Kryeministri Rama është akuzuar, se kjo iniciativë i shërben Serbisë dhe një gjë e tillë nuk mund të bëhet pa Kosovën të përfshirë.
Gjithashtu vizita e Vuçiç u prit me protesta të shumta nga qytetarët.
