Ditën e sotme një ngjarje e rëndë ka ndodhur në Malësi të Madhe ku një person ka humbur jetën si pasojë e shkarkesave elektrike dhe rrufeve në fshatin Dedaj, Njësisë Administrative Shkrel.
Sipas të dhënave, rrufeja ka goditur sahatin e dritave dhe shtetasi A.I ka dalë nga shtëpia dhe ka tentuar të ngrejë thikat në transformatorin e dritave dhe ka mbetur i dëmtuar rëndë.
Si pasojë ka humbur jetën shtetasi Arben Ivanaj, , i cili si pasojë e plagëve të marra ka ndërruar jetë rrugës për në spitalin rajonal të Skodrës.
Grupi hetimor i policisë është nisur drejt vendit të ngjarjes, ndërkohë që kanë mbërritur edhe forcat zjarrfikëse për shuarjen e flakëve të zjarrit.
Njoftimi i Plotë:
Malësi e Madhe/Informacion paraprak
Më datë 09.06.2022, në orën 13:15, në fshatin Dedaj, Malësi e Madhe, dyshohet se për shkak të goditjes së rrufesë është krijuar shkëndijë elektrike në banesën e shtetasit P. Ç. 63 vjeç.
Për pasojë është dëmtuar rëndë shtetasi A. I., 51 vjeç, banues në fshatin Dedaj, Malësi e Madhe, që po qëndronte në këtë banesë, i cili ka ndërruar jetë në Spitalin Rajonal Shkodër, pasi ka patur kontakt me energjinë elektrike.
Grupi hetimor po punon për sqarimin e rrethanave të ngjarjes.
Ndryshe nga javët e fundit, i gjithë vendi është përfshirë nga reshjet e dendura të shiut të cilat sipas meterologëve pritet të zgjasin deri të premten. Ndërsa në fundjavë pritet përmirësimi i motit.
