Numri i të prekurve me COVID-19 në qytetin e Krujës është rritur.
Mësohet gjatë 24 orëve të fundit janë infektuar katër persona, tre prej të cilave punonjëse në fasoneri.
Aktualisht numri i të prekurve në Krujë është shtatë, por pritet të rritet në përditësimin e të dhënave nga Ministria e Shëndetësisë.
Gjithashtu në Krujë, është mbyllur edhe tregu i fruta-perimeve, pasi njerëzit nuk mbanin distancë.
Ndërkohë numri i të prekurve në vendin tonë ka shkuar në 518, ku ditën e djeshme u shënuan 24 raste të reja.
Gjithashtu numërohen 26 viktima dhe 277 të shëruar.
Në shërbimin Infektiv aktualisht janë 34 pacientë të shtruar, 5 prej tyre janë në terapi intensive.
Ndërsa në spitalin COVID 2 “Shefqet Ndroqi”, janë 9 pacientë të shtruar, 5 prej tyre në terapi intensive, ndërsa 3 janë të intubuar.
