Një draft i ri është parashikuar nga Ministria e Brendshme për disa ndryshime në Kodin Rrugor. Kryesisht, parashikohen rritje të gjobave dhe masave ndëshkuese për shoferët.
Gjobat janë parashikuar të rriten për tejkalim të shpejtësisë, mos mbajtjen e rripit të sigurimit, për parakalime të gabuara apo përdorimin e mjeteve elektronike në timon, thuhet në draftin e publikuar nga Syri.
Një tjetër masë është ajo për motomjetet që sipas ndryshimeve të propozuara do të duhet të jenë dallueshëm në trafik gjysmë ore pas perëndimit të diellit deri gjysmë ore para lindjes së diellit, duke mbajtur një jelek fosforeshent.
Gjithashtu është propozuar të shtohet edhe masa e gjobitjes së personave që drejtojnë një mjet të blinduar pa pasur lejen, si dhe mund të bëhet sekuestrimi administrative I tij.
Gjobat e parashikuara për shkeljet:
Për mosrespektimin e ndalimit të qarkullimit: 5 mijë – 10 mijë lekë
Tejkalim shpejtësie jo më shumë se 10 km/orë: 1 mijë – 3 mijë lekë
Tejkalim shpejtësie jo më shumë se 30 km/orë: 2 mijë – 4 mijë lekë
Tejkalim shpejtësie në zonat e banuara: 5 mijë – 15 mijë lekë
Tejkalim shpejtësie mbi 50km/orë: 100 mijë- 200 mijë lekë
Ndalimet e parakalimit: 5 mijë – 10 mijë lekë
Mosvendosje të rripit të sigurimit: 5 mijë – 15 mijë lekë
Për përdorimin e mjeteve elektronike: 5 mijë – 15 mijë lekë
Drejtim mjeti nën efektin e alkoolit: 10 mijë – 20 mijë lekë
/GazetaReforma.com/
