Turqia ka dërguar një anije për të kryer një studim sizmik në një zonë neutrale në Mesdheun Lindor, një veprim ky që ka bërë që Greqia të vihet në gatishmëri.
Kërkimi i depozitave të naftës dhe gazit potencialisht të pasur do të bëhet në jug të ishullit grek të Kastellorizos.
Kryeministri grek Kyriakos Mitsotakis thirri një takim me shefat e ushtrisë të hënën, pasi Turqia lëshoi një alarm detar ndërkombëtar, i njohur si Navtex.
Misioni i Oruc Reis sfidon një marrëveshje të eksplorimit të gazit Greko-Egjiptian. Ekzistojnë gjithashtu tensione rreth Qipros për të drejtat e eksplorimit. Republika e Qipros dhe Greqia nuk pranojnë ndonjë të drejtë të tillë për Qipron veriore të kontrolluar nga Turqia në rajon.
Republika e vetë-shpallur turke e Qipros Veriore, e mbrojtur nga Turqia, nuk njihet ndërkombëtarisht. Vitin e kaluar Turqia dërgoi dy anije shpuese – Fatih dhe Yavuz – në ujërat jashtë Qipros. Oruc Reis shoqërohet nga dy anije ndihmëse. Udhëtimi i tij ishte pezulluar nga Turqia muajin e kaluar, pas sinjalizimeve dhe shqetësimeve nga ndërkombëtarët.
Ministria e Jashtme greke deklaroi se përshkallëzimi i fundit turk ishte një rrezik serioz, duke shtuar se “Turqia po luan një rol destabilizues në rajon”. Turqia dhe Greqia janë shtete, që janë anëtare të NATO-s, por se kanë mos-marrëveshje për cështjen e kufijve.
Të enjten e kaluar Greqia dhe Egjipti nënshkruan një marrëveshje për krijimin e një zone ekskluzive ekonomike (EEZ) në ujërat që përmbajnë rezerva të naftës dhe gazit.
Marrëveshja bie ndesh me një EEZ rival që Turqia dhe qeveria e njohur ndërkombëtarisht në Libi kanë kërkuar të krijojnë. Zona të tilla mund të shtrihen për 200 milje detare.
Republika e Qipros ka marrëveshje të EEZ me Libanin, Egjiptin dhe Izraelin, në mënyrë të ngjashme me zhvillimin e burimeve të energjisë në det të hapur.
