Prej muajsh studentët vazhdojnë mësimin online në kushte të vështira dhe shpesh të përjashtuar. Në shumë raste studentët nuk mund të marrin pjesë në mësim për shkak të mungesës së internetit apo paisjeve të nevojshme elektronike.
Ka pedagogë që tregohen mirëkuptues në raste të tilla, ashtu siç ka edhe nga ata që nuk i intereson për problemet e studentëve.
Pedagogu Arlind Qori i Shkencave Sociale shpesh është shprehur krah studentëve me qëndrimet dhe aktivitetin e tij në rrjetet sociale e më tej.
Ditën e sotme ai ka postuar një qëndrim ne Facebook-un e tij ku tregon qartë revoltën që ndjen kur studentëve iu pamundsohet mësimi ndërkohë që pushtetarët vjedhin e pasurohen.
Statusi i plotë i Qorit:
“Më fal profesor”- më shkruajti një studente, “por duhet të largohem nga mësimi se nuk kam internet mjaftueshëm”.
Doja t’i përgjigjesha: “Më fal ti që nuk ia kemi dalë akoma t’i vëmë përpara përgjegjësisë derrat që vjelin 20-përqindëshat, por s’kanë para për të siguruar infrastrukturën e mësimit online!”
Por nuk munda…”
Ky është statusi që pedagogu ka postuar në rrjetet sociale teksa i referohet edhe përgjimeve të fundit ku flitet për afera korruptive.
Studentët kanë hasur vështirësi të shumta në mësimin online teksa askush nuk ka menduar t’iu ofrojë një zgjidhje pamundësisë së tyre ekonomike për të siguruar internet e pajisje. Ndërkohë, skandalet e njëpasnjëshme të qeverisë nxjerrin në dritë miliona euro afera korruptive që mund të ishin investuar në arsim.
