Pesë dekadat e pushtetit për familjen Assad morën fund të papritur pas ofensivës së rrufeshme të rebelëve.
Fuqitë botërore kanë reaguar ndaj këtij momenti sizmik pas më shumë se 13 vitesh luftë civile.
Reagimet:
Rusia
Vladimir Putin i dha azil politik Basha al-Assadit, ndërsa bazat ushtarake ruse në Siri u vunë në gatishmëri të lartë. Zëdhënësi Dmitry Peskov tha: Ajo që ndodhi në përgjithësi habiti të gjithë botën. Në këtë rast, ne nuk bëjmë përjashtim.
SHBA
“I gjithë komuniteti ndërkombëtar u befasua,” tha sekretari i mbrojtjes Lloyd Austin. Ai paralajmëroi se Shteti Islamik mund të përpiqet të përfitojë nga situata, pasi forcat amerikane nisën dhjetëra sulme ajrore duke synuar kampet në Sirinë qendrore.
BE
Presidentja e Komisionit Evropian Ursula Von Der Leyen tha se “Diktatura mizore e Asadit është shembur. Ky ndryshim historik në rajon ofron mundësi, por nuk është pa rreziqe.”
Irani
Reuters raportoi se Irani ka krijuar një linjë të drejtpërdrejtë komunikimi me udhëheqjen rebele siriane për të “parandaluar një trajektore armiqësore” midis dy vendeve.
Izraeli
Benjamin Netanyahu pretendoi se rënia e Assadit ishte një rezultat i drejtpërdrejtë i goditjeve të dhëna ndaj Hezbollahut dhe Iranit nga Izraeli.
Franca
“Shteti barbar ka rënë. Më në fund, i bëj homazhe popullit sirian, guximit të tij, durimit të tij”, tha Emmanuel Macron.
Franca do të mbështesë tranzicionin politik të Sirisë, duke dërguar një të dërguar të posaçëm diplomatik në ditët në vijim.
Britani
“Populli sirian ka vuajtur nën regjimin barbar të Asadit për një kohë të gjatë dhe ne e mirëpresim largimin e tij. Fokusi ynë tani është të garantojmë mbizotërimin e një zgjidhjeje politike dhe rivendosjen e paqes dhe stabilitetit.”, tha kryeministri britanik Kier Starmer.
Turqia
Ministri i Jashtëm Hakan Fidan tha se Siria e re nuk duhet të përbëjë kërcënim për fqinjët. “Çdo zgjerim i milicisë së jashtëligjshme PKK (Partia e Punëtorëve të Kurdistanit) nuk mund të konsiderohet një homolog legjitim në Siri.”
Gjermania
“Bashar al Assad ka shtypur brutalisht popullin e tij, ka jetë të panumërta në ndërgjegjen e tij dhe ka shtyrë shumë njerëz të largohen nga Siria, shumë prej të cilëve kanë ardhur edhe në Gjermani. Populli sirian ka përjetuar vuajtje të tmerrshme. Prandaj, fundi i sundimit të Asadit mbi Sirinë është një lajm i mirë”, tha kancelari gjerman Olaf Scholz.
