RENEA kapi Leonard Hajrin dhe shpalli në kërkim Altin Hajrin, por nuk ka gjurmë nga Prenga. Dyshime të forta se mund të jetë vrarë

Google+ Pinterest LinkedIn Tumblr +

Ditën e sotme Forcat RENEA kanë zbarkuar në Shijak.

Ata rrethuan kompleksin “Golden”, në pronësi të vëllezërve Altin dhe Emiljano Hajri.

Leonard Hajri është arrestuar nga RENEA për pengmarrjen e Jak Prengës.

Gjithashtu është shpallur në kërkim Altin Hajri, një nga pronarët e kompleksit Golden.

Pasi është dhunuar, Prenga është mbajtur peng në ambientet e këtij kompleksi.

Por, nuk dihet ende asgjë rreth fatit të 49-vjeçarit.

Së fundmi, Shqiptarja.com shkruan se burime të sigurta nga policia kanë deklaruar se ka dyshime të forta që Jak Prenga të jetë vrarë.

Këto dyshime vijnë pasi në momentet e para të rrëmbimit të tij në Kamëz, është ushtruar dhunë me sende të forta dhe janë gjetur shenja gjaku.

Për herë të fundit Jak Prenga është parë të nxirret nga një makinë dhe të futet me forcë në ambientet e kompleksit “Golden” në pronësi të vëllezërve Hajri, kjo e zbuluar nga kamerat e sigurisë.

49-vjeçari u rrëmbye më 17 janar në rrugën “New York” në Kamëz.

Shpërndaje
Share.

Komento