Presidenti i Kosovës, Hashim Thaçi, i ka dërguar ftesë kreut të Vetëvendosjes, Albin Kurtit, për të caktuar mandatin qeverisës.
Kjo është ftesa e dytë brenda ditës për Kurtin, pasi e para u refuzua nga lideri i VV.
Kurti tha se nuk ndodhej në Prishtinë, prandaj nuk mund të ishte i pranishëm në takim.
“Ai nuk erdhi në zyrën time siç ishte parashikuar. Gjithësesi do t’i dërgoj një ftesë të re së shpejti. U bëj thirrje të gjithëve të marrin përgjegjësitë dhe të mos vonojnë formimin e Qeverisë së Republikës së Kosovës. Populli ynë dhe aletatët tanë presin më shumë” ka shkruan Thaçi në Twitter.
Mësohet se Thaçi ka ftuar Kurtin në orën 20:00, për të zhvilluar takimin e parashikuar në mesditë.
Ditën e djeshme deputetët e Kosovës bënë betimin në Kuvend.
Mirëpo qeveria nuk është formuar ende, për shkak të mungesës së një marrëveshjeje mes LDK dhe VV.
Gjithashtu gjatë ditës së djeshme u zgjodh si kryetar kuvendi, numri 2 i Lëvizjes Vetëvendosje, Glauk Konjufca.
