Nënkryetari i Lëvizjes Socialiste për Integrim, Petrit Vasili ka deklaruar se kërkesa për dorëheqjen e kryetarëve të opozitës pas zgjedhjeve të 25 prillit janë të nxituara. Me anë të një postimi në rrjetet sociale, Vasili shkruan se zgjedhjet vazhdojnë dhe se opozita ka për detyrë që të numërojnë çdo votë të qytetarëve. Gjithashtu ai ka shtuar se detyra e opozitarëve është që të përqendrohen te rinumërimi dhe transparenca e çdo qytetari. Nënkryetari i LSI-së ka theksuar se kushdo që bënë lojën e Edi Ramës, të zgjedhjeve të lira është i shitur.
“Zgjedhjet vazhdojnë dhe opozita ka detyre te mbroje vullnetin e sovranit deri ne rinumerimin e votes se fundit.
Cdo kerkese per doreheqje apo analize e nxituar ndihmon Satrapin e zgjedhjeve te fshehe krimet zgjedhore dhe legjitimoje manipulimet e bera.
Ndaj detyra e tere opozitareve te perqendrohemi te rinumerimi dhe transpareca e cdo vote.
Ndryshe kushdo qe ben lojen e Satrapit te zgjedhjeve te lira dhe eshte i shitur te ai”, shkruan nënkryetari i LSI.
Kujtojmë se më datë 25 prill u mbajtën zgjedhjet parlamentare, ku fituese doli Partia Socialiste me 74 mandate, ndërsa Partia Demokratike more 59 mandate, LSI-ja siguroi vetëm 4 mandate këtë herë ndërsa PSD-ja arriti të marrë 3 mandate. Risi në këto zgjedhje ishin edhe listat e hapura për kandidatët. Nga listat u skualifikuan shumë emra që kanë luajtur një rol të rëndësishëm në politikën shqiptare, një ndër të rrezikuarit është edhe Petrit Vasili.
