Albin Kurti ka reaguar për herë të parë pas vendimit të Gjykatës Supreme për të ndaluar kandidimin e tij në zgjedhejt e parakohshme të 14 shkurtit në Kosovë. Nga një takim në Prizren ai u shpreh se vendimi ende nuk ka ardhur në zyrat e LVV dhe se kur të vijë do të shohin si do të veprojnë. Kurti gjithashtu i kërkoi qytetarëve kosovarë pjesëmarrje massive në zgjedhje pasi fitorja e madhe e VetëVendosjes do të jetë me 61 deputetë.
“Ne nuk e kemi këtë vendim, kur të na vjen në zyrën e VV-së do ta trajtojmë dhe do të shohim se çfarë hapash do të ndërmarrim. Qytetari është mbreti i Republikës, Republika nuk mund të ketë sundimtar. Qeveria jonë do të jetë Qeveri e cila i shërben qytetarit. Më 14 shkurt le ta kemi referendumin i cili punët e mira të pranverës 2020 na i vazhdon. Dilni në zgjedhje secili, ama bash secili sepse fitorja jonë quhet 61 deputetë”, ka thënë Kurti.
Ditën e sotme Gjykata Supreme në Kosovë mori vendimin përfundimtar për të lënë jashtë listës së zgjedhjeve Albin Kurtin dhe Albulena Haxhiun. Nga ana tjetër u lejuan të kandidonin Librun Aliu dhe Labinot Demi. Vendimi erdhi pasi Kurti ka marrë një dënim të formës së prerë me 1.3 vite burg si dënim për trazirat në Parlamentin e Kosovës ku u hodh gaz lotsjellës.
